कविता

तुझा फ़ोटो
मी मुद्दामच
एका जुन्या फ़्रेममध्ये
लावुन ठेवला आहे
पण
गंमत बघ ना
जो येतो तो म्हणतो
फ़्रेम बाकी छानच आहे

तुझे डोळे
हरिणीसारख़े आहेत
असं
मी अजुनही मानतो
इतक्या दिवसाच्या
विरहानंतर
ते माझ्यावर
वाघासारख़े तुटुन पडले
म्हणुन काय झाले ?

तुला रुसायला आवडतं
हे ठीक
पण
रुसण्यापूर्वी
तुझी समजुत कशी काढायची
हे तू मला
सान्गुन ठेवीत जा
कारण
माझी पध्दत
काहीशी विचित्र आहे
असं लोक म्हणतात

केसात अबोली
माळली म्हणून
अबोल व्हायलाच हवं
असं कुठाय
उलट अशावेळीच
गुलाबासारखं
ह्सायला
अन चाफ्यासारखं
दर्वळायला
काय हरकत आहे?

मराठी कॉर्नर सभासद